موضوع ممكن يغير حياتك بس ياريت تقراه بقلبك

يا ريت كل واحد يقرا كلامي ده يقراه بقلبه وان شاء الله تتغير حياته

بصوا يا جماعه بجد مفيش حاجه في الاسلام اسمها علاقه صداقه بين ولد وبنت

وطبعا الكل هيقول طب ماحنا محترمين مع بعض ومبنعملش حاجه تزعل ربنا ده انا حتى مبلمسهاش!!!

اقولك القران قال عن الشباب ((محصنين غير مسافحين ولا متخذى اخدان))

وكمان قال عن البنات (( محصنات غير مسافحات ولا متخذات اخدان))

يا جماعه كلمة خدن يعني ((صديق))

يعني الموضوع مش بس في فكرة واحد وواحده بيحبوا بعض ومتصاحبين

الموضوع ان انتا مينفعشع يبقى في علاقه بينك وبين بنت قبل ما تتقدم لبيتها اصلا

عشان انا متهيألي كل ولد نفسه في بنت عمرها ما صاحبت وعاشت قصة حب ولا حتى كانت في جروب ولاد كاصدقاء بس ونفسه يكون صحابها كلهم بنات عشان هيحس ان دي فعلا بنت متربيه اوي وبيتها بيت محافظ و يبقى هيموت ويرتبط بيها بس انسى لو كنت عشت شبابك مصاحب واحده او حتى بتخرج مع جروب بنات ان ربنا يكرمك مع واحده مصاحبتش طول عمرها ولا كان ليها اصدقاء شباب الا لو سبت كل الصداقات البريييييييييئه اللي انتا فيها عشان ربنا يكرمك بواحده زي ما بتحلم بيها عشان بجد البنت المحترمه اوي دي حاجه غالية ونادره كمان وانتا عشان تاخد حاجه غالية كده يبقى انتا لازم تعزز نفسك عشان ربنا يكرمك بيها!!

وبالنسبه للبنات انتي لو بتدوري عن الشاب المتدين المحترم اللي عمره ما كان ليه علاقات قبل كده يبقى انتي كمان لازم تبعدي عن اي علاقه بولد سواء كانت صحوبيه او حتى صداقه برييييئة زي ما بيقولوا وربنا هيكرمك بواحد ما تحلميش بيه في التدين والاخلاق عشان من يتقى الله يجعل له مخرجا ويرزقه من حيث لا يحتسب!!!

(( الطيبون للطيبات والخبيثون للخبيثات))!!


ويارب اكون قدرت اوصل للناس حاجه تفيدهم في دينهم ودنياهم

وعايزة ردود من قلوبكم يا جماعه سواء كانت مؤيده او غير مؤيده لكلامي

بصراحة برافو عليكي انت بنت ما يتخفش عليها
أكيد باباكي وممتك مش قلقانين عليكي


من الموضوع ده انا جبت الكلام الي انا قلته
(يارب يكون صح)

والله انتي كلامك صح الصح ومفهوش رحت الغلط وانت كمان يا ابو صلاح كلامك صح بس مين لي ينفذ

الله يجزيك خير على هذا الموضوع الجميل

انا معاكي في الكلام بتاعك
وجميل جدا .طيب ممكن سؤال؟!!!!
لو كانت البنت مؤدبه واهلها كويسين
واهلها موافقين على البيحصل واهل
الولد نفس الحكايه يبقى بردو حرام ولا ايه!!!!!
محتاج الرد ممكن؟؟؟؟H.

انا معاكى فى كلامك بس ممكن الولد يصادق بنت زى اختة
ووممكن يخاف عليها اكتر من اى حد زى اختة

وممكن واحد يحب بنت ويكون بيحبها ومتفقين على ارتباط لانو مايقدرش دلوقتى صح؟؟؟؟؟؟؟

موضوعك بجد مش بطال بس يا ترا انتي بتعملي بيه ؟؟؟؟
مفتكرش ولان لو كنتي بتعملي بيه مكنتيش ترضي بأن منتداكي يكون كله اولاد .... ول انتي شايفه ان دي متتسماش صداقه بريئه ؟؟؟ ولا يمكن تكون ليكي حلال ولغيرك حرام {الصداقات البريئه دي}

اولا شكرا على مروركم كلكم
تانيا انا بعمل بالموضوع ده كويس اوي يا small case
مش معقول اكون انا اللي حاطه الموضوع ومعملش بيه
والمنتدى ده لسه في اوله ومحدش يعرفه وانشاء الله هننشرو
ويكون فيه بنات وكل الاولاد اللي في المنتدى محترمين
وبعدين انا مبعملش صداقات مع اي ولد حتى لو بريئة اوك
ولو سمحت انا مبحبش حد يتكلم عليا وهو ميعرفنيش
وياريت تاخد بالك من كلامك بعد كده

وانا لو هحلل حاجة لنفسي مش هحرمها على غيري صح ؟؟؟

يا بفلينج ده مجرد رأي متخديش الرد ده على جوا كده عادي يعني

وانا لو عليا انا بصاحب بنات وعارف انو حرام بس سوري انا فيه كلمه بقولها دايماً مش أنفض لكل الحاجات الحرام اللي انا بعملها ده وأركز فده

يعني فيه حاجات كتير انتي بتعمليها حرام مثلاً زي وشك حرام يكون باين وكمان التطريز اللي في العبايه حرام علشان ده فتنه وكده يعني فبلاش ننفض للحاجات اللي احنا عايزينها والحاجات اللي مش عايزينها نقول عليها حرام اوك متزعليش من رأي يا بفلينج

صح في حاجات تانية حرام بس وشي انو يبان عادي والعباية انا مش مخصراها مثلا والتطريز صح فتنة بس هي العبايات كده نعمل ايه
وبعدين الصداقة بين بنت وولد بتسوء سمعة البنت لكن الولد مبيهموش حاجة لانه ولد صح ولا لأ ؟؟؟؟

بس انا يا دودي بتكلم في نقطة الصداقة لأنها دلوقتي بقت منتشرة جدا وللاسف في بنات بتفرح ان ليها بوي فريند
وميعرفوش الناس بيقولو عليهم ايه
طيب افرض مثلا انك روحت تخطب بنت وعرفت انها كانت مصاحبة ولاد وبتكلم ده وده هتعمل ايه ؟؟؟؟

وعادي انا مش زعلانة من كلامك لانه في حاجات صح بس خلينا في موضوع الصداقة

انا بصراحه هخدها عادي جداً لإن كل الحاجات اللي حصلت ده حصلت قبل مأعرفها

وبعد معرفتها كل حاجه فحياتها إتغيرت وبقت مبتكلمش حد غيري وهنتجوز وهيكون كلو تمام صح ولا ايه